“የታሸገ የፕላስቲክ ውሃ የመተንፈሻ ችግርና የሆርሞን መዛባትንም ያስከትላሉ

በየቀኑ የታሸገ ውሃ የሚጠጡ ሰዎች ከሌሎች ሰዎች በተጨማሪ 90,000 የማይክሮፕላስቲክ ቅንጣቶችን ወደ ሰውነታቸው እንደሚያስገቡ በካናዳው ኮንኮርዲያ ዩኒቨርሲቲ የተሰራ አዲስ ጥናት አመላከተ።

በአማካይ ሰዎች በአመት ከ39,000-52,000 መጠናቸው ከ5 ሚሊሜትር በታች የሆኑ እነዚህን የፕላስቲክ ቅንጣቶችን ወደ ሰውነታቸው ያስገባሉ ተብሏል።

የፕላስቲክ ምርቶቹ ከምርት ጀምሮ በሚጓጓዙበት ጊዜ እና በሌሎችም ጊዜያት እነዚህን የፕላስቲክ ቅንጣቶች በፀሐይ እና የአየር መፈራረቅ ሲያመነጩ ወደ ሰውነታችን ገብተው የመተንፈሻ ችግርና የሆርሞን መዛባትንም ያስከትላሉ።

የተለመደውን የቧንቧ ውሃ የሚጠጡ ሰዎች በአመት 4000 የማይክሮፕላስቲክ ቅንጣቶችን ወደ ሰውነታቸው ሲያስገቡ በየቀኑ የታሸገ ውሃ የሚጠቀሙ ሰዎች ከእነዚህ ሰዎች በተጨማሪ 90,000 ቅንጣቶችን ያስገባሉ ተብሏል።

ተመራማሪዎች የፕላስቲክ እሽግ ውሃን ለአስቸኳይ ጊዜ መጠቀም ተገቢ ቢሆንም በየቀኑ ልንጠቀመው የተገባ ነገር ግን አይደለም ብለዋል።