ኢንፊኒክስ ኢትዮጵያ እና ተግባረ-ዕድ አብሮ ለመስራት የሚያስችላቸውን ስምምነት ተፈራረሙ

በትራንስሽን ማኑፋክቸሪንግ ኃ.የተ.የግ.ማ ባለቤትነት የተያዘው ኢንፊኒክስ እና የአዲስ አበባ ተግባረ-ዕድ ፖሊቴክኒክ ኮሌጅ ወጣቱን በቴክኖሎጂ ዘርፍ ለመደገፍ እና አብሮ ለመስራት የሚያስችላቸውን የመግባቢያ ስምምነት ዛሬ ጥቅምት 18/2018 አ.ም ተፈራርመዋል ።

የመግባቢያ ስምምነቱም የኢንፊኒክስኒ ክለብን በተግባረ ዕድ ፖሊ ቴክኒክ  ኮሌጅ ለማቋቋም የሚያስችለው ነው ተብሏል።

በዚህም ተማሪዎቹ በግል እና ሙያዊ እድገት ላይ ያተኮሩ ወርክሾፖች እና የማማከር ፕሮግራሞች ውስጥ እንዲሳተፉ እድል እንደሚሰጥ ተገልጿል ።

እንዲሁም መምህራን የቴክኖሎጂ ስልጠና እንደሚያገኙ ተጠቅሷል።

ስለ ስምምነቱ አስፈላጊነት የገለፁት የአዲስ አበባ ተግባረ እድ ፖሊ ቴክኒክ ኮሌጅ ዲን ዶ/ር ተሰፋዬ አድማሱ “ይህ የመግባቢያ ስምምነት ከጽሑፍ ሰነድ በላይ ነው ብለዋል።

የኮሌጁ ተማሪዎችም ከተግባራዊ ልምድ በተጨማሪ የስራ እድላቸውን እና በራስ መተማመናቸውን የሚያሳድጉበት መሆኑ ተጠቅሷል።