የአውሮፓ ህብረት የፀረ የደን ጭፍጨፋን ለሁለተኛ ጊዜ አራዘመ

የአውሮፓ ህብረት የአየር ንብረት ለውጥን ለመቋቋም ያለመ እና የደን ጭፍጨፋን የሚከላከል ቁልፍ ደንብ የሆነው EUDR (ደንብ 2023/1115) ተግባራዊ የሚሆንበት ጊዜ በድጋሚ ተራዝሟል።

የአውሮፓ ኮሚሽን፣ ምክር ቤት እና ፓርላማ በጋራ በመስማማት፣ በመጀመሪያ በታህሳስ ወር ተግባራዊ እንዲሆን ታቅዶ የነበረው ይህ መመሪያ፣ በቴክኒካዊ ችግሮች፣ የአባል ሀገራት ዝግጁነት አለመሟላት እና በዘርፉ ከተነሱ ተቃውሞዎች የተነሳ ለሁለተኛ ጊዜ መራዘሚያ አግኝቷል።

ደንቡ እንደ ቡና፣ ኮኮዋ፣ አኩሪ አተር እና እንጨት የመሳሰሉ ምርቶች ከታህሳስ 31 ቀን 2020 በኋላ ከወደመ መሬት አለመምጣታቸውን ኩባንያዎች እንዲያረጋግጡ ያስገድዳል።

በአዲሱ የጊዜ ሰሌዳ መሠረት፣ መካከለኛና ትላልቅ ኦፕሬተሮች ደንቡን ማክበር የሚጀምሩት እስከ ታኅሣሥ 30 ቀን 2026 ድረስ ሲሆን፣ ጥቃቅንና አነስተኛ ኢንተርፕራይዞች ደግሞ እስከ ሰኔ 30 ቀን 2027 ድረስ እፎይታ አግኝተዋል።

በተጨማሪም፣ ደንቡ የሚመለከተው ምርትን መጀመሪያ ለገበያ የሚያቀርቡትን ዋና ኦፕሬተሮች ብቻ እንዲሆን በማድረግ፣ እንዲሁም ጥቃቅን ንግዶች ቀለል ያለ መግለጫ እንዲያቀርቡ በመፍቀድ የአስተዳደር ጫና እንዲቀንስ ተደርጓል።