በሶሪያ የተደረሰው ተኩስ አቁም

ኩርድ መራሹ የሶሪያ ዲሞክራሲያዊ ሀይሎች ከአሊፖ መውጣታቸውን አስታወቁ።

ከማክሰኞ ጀምሮ በሶሪያ ወታደሮች እና በኩርድ  ሀይሎች መካከል በሰሜን እና ምስራቅ  ሶሪያ ከፍተኛ ዉጊያ ተካሂዷል ።

በውጊያው በመቶ ሺዎች የሚቆጠሩ ንፁሀን ሲሰደዱ፣ ከ22 በላይ ሰዎች ህይወታቸው አልፏል።

የኩርድ ሀይሎች በተደረሰው ተኩስ አቁም ስምምነት መሰረት በሶሪያ ሁለተኛ ግዙፍ ከተማ ከሆነችው አሊፖ ለቀው መውጣታቸውን ገልፀዋል ።

የሶሪያ መከለከያ ሀይል ኩርድ መራሹ ከሼክ ማቅሱድ ይዞታው ሸሽቶ ወደ ሰሜን መሄዱን እና የቡድኑ አባላት ምርኮኛ መሆናቸውን ይፋ አድርጓል ።

አክሎም  በኩርድ ሀይል ቁጥጥር ስር የነበረችውን አሽራፊየህን ነፃ ማውጣቱን ተናግሯል ።

የኩርድ ተዋጊዎችን ወደ ሶሪያ መደበኛ ሰራዊት ለመቀላቀል የተደረገው ሙከራ መክሸፉን ተከትሎ ፣ በአሊፖ ለሳምንት የዘለቀ ዉጊያ መደረጉ የሶሪያን ፖለቲካ ውስብስብ አድርጎት መቆየቱ ይታወሳል።

ፍራንስ 24 ዘግቦታል።