ባርሴሎና ወደ ካምፕ ኑ ሊመለሱ ነው

ባርሴሎና በሚቀጥለው የውድድር ዘመን ወደ ስፖቲፋይ ካምፕ ኑ ስታዲየም እንደሚመለስ የክለቡ ፕሬዝዳንት ሁዋን ላፖርታ አስታውቀዋል።

የባርሴሎናው ስፖቲፋይ ካምፕ ኑ ስታዲየም ባለፉት አመታት በእድሳት ላይ እንደሚገኝ ይታወቃል።

“ በሚቀጥለው የውድድር አመት መጀመሪያ ጀምሮ ወደ ካምፕ ኑ እንመለሳለን “ ሲሉ ፕሬዝዳንት ሁዋን ላፖርታ አረጋግጠዋል።

ፕሬዝዳንቱ አክለውም ሁኔታዎች በጥሩ ሁኔታ ከሄዱ ባርሴሎና በየአመቱ የሚያዘጋጀውን የ ሁዋን ጋምፐር ዋንጫ ጨዋታ በካምፕ ኑ እንደሚያደርግ አሳውቀዋል።

የዘንድሮው የ ሁዋን ጋምፐር ዋንጫ ጨዋታ በካምፕ ኑ ስታዲየም ነሐሴ ወር መጀመሪያ ላይ ይደረጋል ተብሎ ይጠበቃል።

@Tikvahethsport