ቻይና ሸንዙ-22 የተባለውን ሰው የጫነ የጠፈር መንኮራኩር ነገ ኅዳር 16 ቀን 2018 ዓ.ም ለማምጠቅ የመጨረሻ ዝግጅቷን ማጠናቀቋን የመንግስት መገናኛ ብዙሃን ዘግበዋል።
የሸንዙ-22 ተልዕኮ የቻይናን የረጅም ጊዜ የጠፈር ምርምር ለማሳካት ከሚደረጉት ዘላቂ ጥረቶች አንዱ ነው።
የቻይና መንግስት የዜና ወኪል ሺንዋ (Xinhua) ባወጣው ዘገባ መሰረት፣ መንኮራኩሩ ወደ ህዋ የሚላከው በሰሜን ምዕራብ ቻይና ከሚገኘው ጂውኳን የሳተላይት ማስወንጨፊያ ማዕከል ነው።
ይህ ማዕከል ከቅርብ ዓመታት ወዲህ የተከናወኑትን ሌሎች የሸንዙ ተልዕኮዎችን ሁሉ በተሳካ ሁኔታ ለማምጠቅ እንደ መነሻ ሆኖ አገልግሏል።
ሸንዙ-22፣ በቅርብ ጊዜ ከተመዘገቡት የሸንዙ ተከታታይ ተልዕኮዎች ጋር ተመሳሳይነት ያለው ሲሆን፣ የቻይናን የጠፈር ጣቢያ የሥራ ብቃት ለማጎልበት እና አገሪቱ በህዋ ላይ የምታደርገውን ሳይንሳዊ ምርምር ለማስፋፋት ቁልፍ ሚና እንደሚኖረው ይጠበቃል።
መንግስት በህዋ ፕሮግራሞች ላይ ከፍተኛ መዋዕለ ንዋይ በማፍሰስ የዓለምን ትኩረት ስቧል።
(መናኸሪያ ሬዲዮ)