የኢትዮጵያ ብር እና የደቡብ ሱዳን ፓውንድ በዓለም ላይ ደካማ አፈጻጸም ካሳዩት ተርታ ተመደቡ

የኢትዮጵያ ብር እና የደቡብ ሱዳን ፓውንድ እ.ኤ.አ በ2025 (ከታኅሣሥ 2017 እስከ ታኅሣሥ 2018 ዓ.ም ባለው ጊዜ) እያንዳንዳቸው ከ10 በመቶ በላይ ዋጋቸውን በማጣት በዓለም ላይ ደካማ አፈጻጸም ካሳዩ የመገበያያ ገንዘቦች ተርታ ተመደቡ።

ኢትዮጵያ ውስብስብ በሆነ የዕዳ ሽግሽግ ሂደት ውስጥ ኢኮኖሚዋን ለማረጋጋት በምትታገልበት በዚህ ወቅት፤ ብር ከአርጀንቲና ፔሶ እና ከቱርክ ሊራ በመቀጠል በዓለም ሦስተኛው ደካማ የመገበያያ ገንዘብ ሆኖ ተመዝግቧል።

የኢትዮጵያ መገበያያ ብር ከአሜሪካ ዶላር አንጻር 18 በመቶ ዋጋውን ያጣው በዶላር እጥረት፣ በከፍተኛ የዋጋ ግሽበት እና በበውጭ ኢንቨስተሮች እምነት መቀነስ ምክንያት መሆኑ ተገልጿል።የዓለም ባንክን የመጋቢት 2018 ዓ.ም (April 2026) ወቅታዊ የአፍሪካ ኢኮኖሚ ሪፖርት ዋቢ በማድረግ “ዘ ኢስት አፍሪካን” ጋዜጣ እንደዘገበው፤ ከዶላር አንጻር ሲሰላ፣ የኢትዮጵያ ብር 18 በመቶ እንዲሁም የደቡብ ሱዳን ፓውንድ 15 በመቶ ዓመታዊ የምንዛሬ አቅማቸውን አጥተዋል።

ባንኩ ለደቡብ ሱዳን ፓውንድ መዳከም በጁባ የነዳጅ ወጪ ንግድ መስተጓጎልን እና በትይዩ (ጥቁር) ገበያ መካከል ያለውን የዋጋ ልዩነት እንደ ምክንያት ጠቅሷል።

ኢኮኖሚስቶች እንደሚሉት፣ የገንዘብ ምንዛሬ ገበያ አለመረጋጋት በመላው አፍሪካ ለኢንቨስትመንት ትልቅ እንቅፋት ሆኖ ቀጥሏል።

የመገበያያ ገንዘብ አለመረጋጋት ደግሞ ተጨማሪ መዘዝ እንዳለው ብዙዎች ደጋግመው ያስጠነቅቃሉ። ድንገተኛ የምንዛሬ ዋጋ መለዋወጥ፣ የውጭ ኢንቨስተሮች ‘ትርፋችን በኪሳራ ይዋጣል’ ብለው እንዲሰጉ ያስገድዳል።

በተመሳሳይ የገቢ ዕቃዎች ዋጋ እና የሥራ ማስኬጃ ወጪዎች በከፍተኛ ሁኔታ በሚዋዥቁበት ወቅት የአገር ውስጥ ነጋዴዎች ዕቅድ ለማውጣት ወይም ሥራቸውን ለማስፋፋት ይቸገራሉ።ለውጭ ኢንቨስተሮች በወራት ውስጥ የሚከሰት ከፍተኛ የምንዛሬ ኪሳራ ያገኙትን ትርፍ ሙሉ በሙሉ ሊያጠፋው ይችላል።

ለአገር ውስጥ ነጋዴዎች ደግሞ በተለይ የገቢ ዕቃዎች ዋጋ በከፍተኛ ሁኔታ በሚቀያየርበት ሁኔታ የወደፊት ዕቅድ ማውጣት የማይቻል ያደርገዋል።እነዚህ ጫናዎች ደካማ የመገበያያ ገንዘብ ያላቸው ሀገራት ለምን የረጅም ጊዜ ካፒታልን ለመሳብ እንደሚቸገሩ ማብራሪያ ይሆናሉ ተብሏል። አስ

Ghion Magazineግዮን መጽሔት

ኢትዮ ሐበሻ ኅትመትና ማስታወቂያ ኃ/የት/የግ/ማ

የኢትዮጵያ ብር እና የደቡብ ሱዳን ፓውንድ በዓለም ላይ ደካማ አፈጻጸም ካሳዩት ተርታ ተመደቡ

ተጨማሪ ጽሑፎችተመሳሳይ

ኢትዮ ሀበሻ

ስለግዮን

አድራሻ

About

Ghion Magazine
ግዮን መጽሔት

ተጨማሪ ጽሑፎች
ተመሳሳይ